തളിപ്പറമ്പ് നഗരസഭ കൃഷിഭവൻ കർഷക സഭയും ഞാറ്റുവേല ചന്തയും സംഘടിപ്പിച്ചു

തളിപ്പറമ്പ് നഗരസഭ കൃഷിഭവൻ കർഷക സഭയും ഞാറ്റുവേല ചന്തയും സംഘടിപ്പിച്ചു

തളിപ്പറമ്പ് : തളിപ്പറമ്പ് നഗരസഭ കൃഷിഭവൻന്റെ നേതൃത്വത്തിൽ കർഷകസഭയും ഞാറ്റുവേല ചന്തയും സംഘടിപ്പിച്ചു. കൂവോട് കൃഷിഭവനിൽ നടന്ന ചടങ്ങ് തളിപ്പറമ്പ് നഗരസഭ ചെയർപേഴ്സൺ പി കെ സുബൈർ ഉദ്ഘാടനം ചെയ്തു.

തളിപ്പറമ്പ നഗരസഭ വികസനകാര്യ സ്റ്റാൻഡിങ് കമ്മിറ്റി ചെയർപേഴ്സൺ കെ മുഹമ്മദ് ബഷീർ അധ്യക്ഷത വഹിച്ചു. കൗൺസിലർമാരായ വി രാഘവൻ ,പി കെ ഷീബ, ഫൈസൽ ചെറുകുന്നോൻ, 

എം പി സജീറ എന്നിവർ ആശംസകളർപ്പിച്ച് സംസാരിച്ചു.കൃഷി ഓഫീസർ കുമാരി ശ്രീഷ്മ സ്വാഗതവും അസിസ്റ്റൻറ് കൃഷി ഓഫീസർ എം പി പത്മനാഭൻ നന്ദിയും പറഞ്ഞു.

ഞാറ്റുവേല ചന്തയിൽ കൃഷിഭവൻ പരിധിയിലെ കർഷകർ ഉത്പാദിപ്പിക്കുന്ന വിത്തുകൾ, പച്ചക്കറി തൈകൾ, ഫലവൃക്ഷത്തൈകൾ, അലങ്കാര ചെടികൾ, തെങ്ങിൻതൈകൾ, കവുങ്ങിത്തൈകൾ, ബക്കളം അഗ്രോ സർവീസ് സെൻററിൽ നിന്നുള്ള ഹൈബ്രിഡ് പച്ചക്കറി തൈകൾ, ഫലവൃക്ഷത്തൈകൾ തുടങ്ങിയവ വിൽപ്പനയ്ക്കായി തയ്യാറാക്കിയിട്ടുണ്ട്.