ഇ.കെ ഗോവിന്ദൻ നമ്പ്യാരുടെ ജീവിതം പൊതുസമൂഹത്തിന് മാതൃകാപരം

ഇ.കെ ഗോവിന്ദൻ നമ്പ്യാരുടെ ജീവിതം പൊതുസമൂഹത്തിന് മാതൃകാപരം

പരിയാരം: മുതിർന്ന മാധ്യമ പ്രവർത്തകനും കോൺഗ്രസ് നേതാവുമായിരുന്ന ഇ.കെ ഗോവിന്ദൻ നമ്പ്യാരുടെ ഏഴാം ചരമവാർഷിക ദിനാചരണത്തിന്റെ ഭാഗമായി സംഘടിപ്പിച്ച അനുസ്മരണ സമ്മേളനം കെപിസിസി മെമ്പർ എം.പി. ഉണ്ണികൃഷ്ണൻ ഉദ്ഘാടനം ചെയ്തു. 

മാധ്യമരംഗത്തും പൊതുപ്രവർത്തന രംഗത്തും ഇ.കെ. ഗോവിന്ദൻ നമ്പ്യാർ ഉയർത്തിപ്പിടിച്ച സത്യസന്ധതയും ജനപക്ഷ നിലപാടുകളും ഇന്നത്തെ തലമുറയ്ക്ക് മാതൃകാപരമാണെന്നും

സമൂഹത്തിലെ സാധാരണക്കാരുടെ പ്രശ്നങ്ങൾ മാധ്യമങ്ങളിലൂടെ ജനശ്രദ്ധയിൽ കൊണ്ടുവന്ന വ്യക്തിത്വമായിരുന്നു ഇ.കെ. ഗോവിന്ദൻ നമ്പ്യാരുടേതെന്ന് കെപിസിസി മെമ്പർ എം.പി. ഉണ്ണികൃഷ്ണൻ അനുസ്മരിച്ചു.

 മാധ്യമ പ്രവർത്തനം വെറും തൊഴിൽമേഖലയല്ല, സാമൂഹിക ഉത്തരവാദിത്വം കൂടിയാണെന്ന ബോധ്യത്തോടെ പ്രവർത്തിച്ച അദ്ദേഹം മാധ്യമരംഗത്ത് വ്യക്തിമുദ്ര പതിപ്പിച്ച വ്യക്തിയാണെന്നും അദ്ദേഹം കൂട്ടിച്ചേർത്തു.

ചടങ്ങിൽ ഉന്നത വിജയം കൈവരിച്ച കുട്ടികളെ അനുമോദിച്ചു ബ്ലോക്ക് കോൺഗ്രസ് ട്രഷ്റർ ഇ. വിജയൻ മാസ്റ്റർ അധ്യക്ഷത വഹിച്ചു.

 ബ്ലോക്ക് പ്രസിഡൻ്റ് പി കെ സരസ്വതി ,ഡിസിസി സെക്രട്ടറി എ.ഡി സാബൂസ്,കർഷക കോൺഗ്രസ്സ് സംസ്ഥാന സെക്രട്ടറി എം.വി. പ്രേമരാജൻ, ബ്ലോക്ക് മെമ്പർ ബിന്ദു വിനോയ്, ഐ.വി. കുഞ്ഞിരാമൻ,കെ. എം രവിന്ദ്രൻ , വി.വി. ജാനകി , സി.എം.ആൻ്റണി മൈക്കിൾ, കെ. ബിന, വി പി കുബേരൻ നമ്പൂതിരി, പി.വി. ഗോപാലൻ എന്നിവർ പ്രസംഗിച്ചു.