തളിപ്പറമ്പ്: പുരോഗമന കലാസാഹിത്യ സംഘം തളിപ്പറമ്പ് മേഖല കമ്മിറ്റിയുടെ നേതൃത്വത്തിൽ സംഘടിപ്പിക്കുന്ന ഒ.കെ കുറ്റിക്കോൽ സ്മാരക നാടക പുരസ്കാര സമർപ്പണ ചടങ്ങ് ഓഗസ്റ്റ് 13 വ്യാഴാഴ്ച വൈകുന്നേരം 4:30-ന് തളിപ്പറമ്പ് പുക്കോത്ത് നടയിലുള്ള കെ.കെ.എൻ പരിയാരം സ്മാരക ഹാളിൽ വച്ച് നടക്കും.
നാടക രംഗത്തെ സംഭാവനകൾ മുൻനിർത്തി ധർമ്മൻ ഏഴോം ആണ് ഈ വർഷത്തെ പുരസ്കാരത്തിന് അർഹനായത്. അവാർഡ് കമ്മിറ്റി ചെയർമാൻ കെ. സന്തോഷിന്റെ അധ്യക്ഷതയിൽ നടക്കുന്ന ചടങ്ങിൽ കെ. ജയദേവൻ പുരസ്കാര സമർപ്പണവും പ്രഭാഷണവും നിർവ്വഹിക്കും.
കേരള സംഗീത നാടക അക്കാദമി സെക്രട്ടറി കരിവെള്ളൂർ മുരളി, അവാർഡ് ജൂറി കമ്മിറ്റി ചെയർമാൻ സന്തോഷ് കീഴാറ്റൂർ, ചലച്ചിത്ര-നാടക നടി രജിതാ മധു, പ്രശസ്ത ശിൽപി ചിത്രൻ കുഞ്ഞിമംഗലം,
പുരോഗമന കലാസാഹിത്യ സംഘം കണ്ണൂർ ജില്ലാ സെക്രട്ടറി നാരായണൻ കാവുമ്പായി, ജില്ലാ പ്രസിഡന്റ് ഡി.പി. വേണുഗോപാലൻ എന്നിവർ ചടങ്ങിൽ സംബന്ധിച്ച് ആശംസകൾ അർപ്പിക്കും.
No comments:
Post a Comment
പ്രതികരണത്തിനു നന്ദി..
Note: Only a member of this blog may post a comment.