പ്ലാസ്റ്റിക്ക് നിരോധനവുമായി ബന്ധപ്പെട്ട് വ്യാപാരികള്‍ നേരിടുന്ന പ്രശ്‌നങ്ങള്‍ക്ക് ഉടന്‍ പരിഹാരം കാണുമെന്ന് തദ്ദേശ സ്വയംഭരണ വകുപ്പ് മന്ത്രി ഡോ.കെ.ടി.ജലീല്‍ ഉറപ്പ് നല്‍കിയതായി വ്യാപാരി നേതാക്കള്‍.
തളിപ്പറമ്പ് : പ്ലാസ്റ്റിക്ക് നിരോധനവുമായി ബന്ധപ്പെട്ട് വ്യാപാരികള്‍ നേരിടുന്ന പ്രശ്‌നങ്ങള്‍ക്ക് ഉടന്‍ പരിഹാരം കാണുമെന്ന് തദ്ദേശ സ്വയംഭരണ വകുപ്പ് മന്ത്രി ഡോ.കെ.ടി.ജലീല്‍ ഉറപ്പു നല്‍കിയതായി വ്യാപാരി നേതാക്കള്‍ അറിയിച്ചു. ഹജ്ജ് സാങ്കേതിക പഠന ക്ലാസിന്റെ സംസ്ഥാന തല ഉദ്ഘാടനത്തിനായി തളിപ്പറമ്പിലെത്തിയ മന്ത്രിയെ കാണാനെത്തിയ തളിപ്പറമ്പിലെ വ്യാപാരി സംഘത്തിനാണ് ഇതുസമ്പന്ധിച്ച് ഉറപ്പ് ലഭിച്ചത്. വ്യാപാരികള്‍ നേരിടുന്ന പ്രശ്‌നങ്ങളുമായി ബന്ധപ്പെട്ട് ഇവര്‍ മന്ത്രിക്ക് നിവേദനം നല്‍കി. പ്ലാസ്റ്റിക്ക് നിരോധനം നാടിന്റെ ഭാവിക്ക് ഒഴിച്ചു കൂടാനാവാത്തതാണെന്നു പറഞ്ഞ മന്ത്രി ഇതുമായി വ്യാപാരികള്‍ സഹകരിക്കണമെന്നും ആവശ്യപ്പെട്ടു. പ്ലാസ്റ്റിക്ക് നിരോധനവുമായി സഹകരിക്കുമെന്ന് ഉറപ്പുനല്‍കിയ വ്യാപാരികള്‍ ഇന്നും
വിപണിയിലെ പല ഉല്‍പ്പന്നങ്ങളും നിരോധിത പ്ലാസ്റ്റിക്ക് കവറിലാണ് എത്തുന്നതെന്ന് മന്ത്രിയുടെ ശ്രദ്ധയില്‍പ്പെടുത്തി. എല്ലാ പ്രശ്‌നങ്ങള്‍ക്കും ഉടന്‍ പരിഹാരമുണ്ടാക്കുമെന്ന് മന്ത്രിയില്‍ നിന്നും ഉറപ്പ് ലഭിച്ചതായി വ്യാപാരി നേതാവ് കെ.എസ് റിയാസ് അറിയിച്ചു.
No comments:
Post a Comment
പ്രതികരണത്തിനു നന്ദി..
Note: Only a member of this blog may post a comment.