ഒരു വീട്ടില്‍ ഒരു പാഷന്‍ഫ്രൂട്ട്. കരിമ്പം ഫാമില്‍ പാഷന്‍ഫ്രൂട്ട് തൈകള്‍ തയ്യാറായി.
ബൈജു ബികെ
തളിപ്പറമ്പ് : ഒരു വീട്ടില്‍ ഒരു പാഷന്‍ഫ്രൂട്ട് എന്ന പദ്ധതിയില്‍ വിതരണത്തിനായി കരിമ്പം ഫാമിലെ നര്‍സറിയില്‍ 25000 പാഷന്‍ഫ്രൂട്ട് തൈകള്‍ ഒരുങ്ങി. പാഷന്‍ഫ്രൂട്ട് കൃഷി വ്യാപകമാക്കാന്‍ ജില്ലാ പഞ്ചായത്തിന്റെ പദ്ധതി പ്രകാരമാണ് ചെടികള്‍ വിതരണം ചെയ്യുന്നത്. മണിപ്പൂരില്‍ വ്യാപകമായ തോതില്‍ കൃഷിചെയ്യുന്ന കാവേരി എന്ന ഇനത്തില്‍പ്പെട്ട പാഷന്‍ഫ്രൂട്ടിന്റെ വിത്തുകളാണ് നെല്ലിയാമ്പതി സര്‍ക്കാര്‍ പാഷന്‍ഫ്രൂട്ട് തോട്ടത്തില്‍ നിന്നും ഇവിടെ എത്തിച്ച് ഇവിടെ വളര്‍ത്തിയെടുത്തിരിക്കുന്നത്. പ്ലാന്റേഷന്‍ കേര്‍പറേഷന്റെ ചീമേനി, നാടുകാണി എസ്‌റ്റേറ്റുകളില്‍ രണ്ട് വര്‍ഷം മുമ്പ് ആരംഭിച്ച പാഷന്‍ഫ്രൂട്ട് കൃഷി വന്‍വിജയമായതിന്റെ ചുവടുപിടിച്ച് കണ്ണൂര്‍ ജില്ലാ പഞ്ചായത്ത് മുന്‍കൈയെടുത്ത് കരിമ്പം ഫാമില്‍ ഒന്നരയേക്കര്‍ ഭൂമിയില്‍ പുതുതായി ശാസ്ത്രീയ പാഷന്‍ഫ്രൂട്ട് കൃഷിയും ആരംഭിച്ചുകഴിഞ്ഞു. അടുത്തവര്‍ഷം ഇത് അഞ്ചേക്കര്‍ സ്ഥലത്തേക്ക് കൂടി വ്യാപിപ്പിക്കാനാണ് ഉദ്ധേശിക്കുന്നത്. പാഷന്‍പ്രൂട്ട് സംസ്‌ക്കരിച്ച് മൂല്യവര്‍ദ്ധിത ഉല്‍പ്പന്നങ്ങളായ ജ്യൂസ്, ജെല്ലീ എന്നിവ നിര്‍മിച്ച് വിപണനം നടത്താനും ആലോചനയുണ്ടെന്ന് ഫാം അധികൃതര്‍ പറഞ്ഞു. ഇതിനുവേണ്ടി കെട്ടിടവും ഉപകരണങ്ങളും സ്ഥാപിക്കുകയും തൊഴിലാളികള്‍ക്ക് പരിശീലനവും നല്‍കിക്കഴിഞ്ഞു. പഴസംസ്‌ക്കരണയൂണിറ്റ് ആരംഭിക്കുന്നതോടെ ഫാമിലെ ചക്ക, മാങ്ങ എന്നിവയും സംസ്‌ക്കരിക്കാന്‍ സാധിക്കും.ഈ രംഗത്തെ കുത്തകക്കാരായ പ്ലാന്റേഷന്‍ കോര്‍പറേഷനാവട്ടെ ജ്യൂസ് രൂപത്തില്‍ മാത്രമാണ് ഇത് വില്‍പ്പന നടത്തുന്നത്.
No comments:
Post a Comment
പ്രതികരണത്തിനു നന്ദി..
Note: Only a member of this blog may post a comment.