വേനല്‍ കടുപ്പമേറും ; നാട്ടിന്‍പുറങ്ങളില്‍ തടയണ നിര്‍മ്മാണം ആരംഭിച്ചു.

വേനല്‍ കടുപ്പമേറും ; നാട്ടിന്‍പുറങ്ങളില്‍ തടയണ നിര്‍മ്മാണം ആരംഭിച്ചു. 

തളിപ്പറമ്പ് : മഴയുടെ ലഭ്യത കുറഞ്ഞതും തുലാമഴ ലഭിക്കാത്തതും ഇത്തവണത്തെ വേനലില്‍ ജലക്ഷാമം രൂക്ഷമാകും എന്ന കണക്കുകൂട്ടലില്‍ നാട്ടിന്‍പുറത്തെ തോടുകളിലും, നീര്‍ച്ചാലുകളിലും തടയണനിര്‍മ്മാണം തകൃതിയായി നടക്കുന്നു. തുലാവര്‍ഷത്തെ കാത്തിരുന്നാല്‍ ഇപ്പോഴുള്ള വെള്ളവും നഷ്ടമാകുമെന്ന ഭീതിയിലാണ് നാട്ടുകാര്‍. ജലക്ഷാമം മുന്നില്‍ കണ്ട് സംസ്ഥാന സര്‍ക്കാര്‍ തദ്ദേശ സ്വയംഭരണ സ്ഥാപനങ്ങള്‍ക്ക് ജലസംരക്ഷണത്തിനായി കര്‍ശന നിര്‍ദ്ദേശം കൊടുത്തതോടെ വാര്‍ഡ് തലങ്ങളില്‍ ജനപ്രതിനിധികളുടെ നേതൃത്വത്തില്‍ ജലസംരക്ഷണ പ്രവര്‍ത്തനങ്ങള്‍ ഊര്‍ജ്ജിതമാക്കി. സന്നദ്ധ സംഘടനകളും, സ്വാശ്രയ സംഘം, കുടുംബശ്രീ പ്രവര്‍ത്തകരും നിര്‍മ്മാണ പ്രവര്‍ത്തിക്ക്  പിന്തുണയുമായി രംഗത്തുണ്ട്. കുറുമാത്തൂര്‍ പഞ്ചായത്തിലെ വാര്‍ഡ്‌ 15-ല്‍ ചവനപ്പുഴ ഭാവന, യുവ സ്വാശ്രയസംഘത്തിന്റെയും, നാട്ടുകാരുടെയും സംയുക്താഭിമുഖ്യത്തില്‍ തോടുകളില്‍ അഞ്ചോളം തടയണകള്‍ നിര്‍മ്മിച്ചു. നിര്‍്മ്മാണ പ്രവര്‍ത്തി കുറുമാത്തൂര്‍ ഗ്രാമപഞ്ചായത്ത് പ്രസിഡണ്ട് ഐ.വി.നാരായണന്‍ ഉദ്ഘാടനം ചെയ്തു. വാര്‍ഡ് മെമ്പര്‍ പി.ലക്ഷ്മണന്‍, ടി.ചന്ദ്രന്‍, പി.പി.സജീവന്‍ സംസാരിച്ചു. 

പടം : ചവനപ്പുഴയിലെ തോടുകളില്‍ തടയണ നിര്‍മ്മിക്കുന്ന പ്രവര്‍ത്തി കുറുമാത്തൂര്‍ ഗ്രാമപഞ്ചായത്ത് പ്രസിഡണ്ട് ഐ.വി.നാരായണന്‍ ഉദ്ഘാടനം ചെയ്യുന്നു.