ശബരിമല കൊള്ളയ്ക്കെതിരെ ബി.ജെ.പി തളിപ്പറമ്പിൽ അയ്യപ്പജ്യോതി തെളിച്ചു
തളിപ്പറമ്പ്: സിപിഎം - കോൺഗ്രസ് കക്ഷികൾ ശബരിമലയെ കൊള്ളയടിക്കുന്നു എന്ന ആരോപണമുന്നയിച്ച് ബി.ജെ.പി തളിപ്പറമ്പ് മണ്ഡലം കമ്മറ്റിയുടെ നേതൃത്വത്തിൽ പ്രതിഷേധ പരിപാടി സംഘടിപ്പിച്ചു.
'അയ്യപ്പജ്യോതി' എന്ന പേരിൽ ദേശീയപാതയിൽ പൂക്കോത്ത് നടയിലാണ് പ്രതിഷേധം നടന്നത്.
ബി.ജെ.പി തളിപ്പറമ്പ് മണ്ഡലം പ്രസിഡന്റ് ഷൈമ പ്രദീപിന്റെ അധ്യക്ഷതയിൽ നടന്ന പരിപാടി ജില്ലാ സെക്രട്ടറി എ.പി ഗംഗാധരൻ ഉദ്ഘാടനം ചെയ്തു.
ശബരിമലയുടെ ആചാരങ്ങളും സമ്പത്തും തകർക്കാൻ ശ്രമിക്കുന്ന രാഷ്ട്രീയ നിലപാടുകൾക്കെതിരെ ശക്തമായ ജനവികാരം ഉയരണമെന്ന് അദ്ദേഹം പറഞ്ഞു.
നേതാക്കളായ എ. അശോക് കുമാർ, പി. ഗംഗാധരൻ, മനോജ്, ഉണ്ണികൃഷ്ണൻ പണ്ടാരി, പി.വി സുരേഷ്, പ്രദീപ് മൊടത്തറ തുടങ്ങിയവർ പരിപാടിയിൽ സംസാരിച്ചു.
No comments:
Post a Comment
പ്രതികരണത്തിനു നന്ദി..
Note: Only a member of this blog may post a comment.